الحب وعد ومن الادب توفي وعود

الحــب كـلـمـه مـالهــا حــس ووجــود
إلا فـقـلــب الـلــي يـعـــرف المـحــبّــه

والكـره كـلمـه مالهــا حـصـر وحــدود
لا تـنـخـدع فـي شـي منهــا وتـشـبـّــه

شـتـان بـيـن هـذي وهـذيـك يا سعــود
هـذي تطـفــي الـنــار وهــذي تـشـبّــه

الحــب تـهــدي بـاقــة ازهـــار وورود
لـلـي خـفــوقــك مـــال يـمـــه وحـبـّــه

والـكـــره تكتــم فــداخـلـك بــرق ورعــود
عـلــى خـــوي ٍ تـقـبـلـــه أو تـــذبــّــه

الحــب شـخــص ٍخــص الله بـالجـــود
يعـني الـمحـب يـجـود ولـو بـدم قـلبـه

أمـا الذي يكـره فهـو شـخـص مبعــود
والنـاس سـاوت بيـن صـدقـه وكـذبــه

الحـب حـبـلـه بيــن الأحـبـاب مـمــدود
والكره يخـذل من هــواه ومـسـك بــه

الحـب موعـد ومن الأدب توفي وعـود
وتـقـول للمحـبــوب كـلـمــات عـذبـــه

والكــره إنــك تـقـتـــرف كـل مـنـقـــود
وتسـتحـقــر الخـلان من دون سـبّـــه

يا سعـود لا تـكـره إذا الحـب مـوجــود
ولا تخون خلك أو تحب شخص عـقبه

دام المحـبـه طـيـبهــا عـنـبــر وعـــود
لا تكــون تكــره ولا تــدل يــوم دربــه