الى من يعزني

موضوع: الى من يعزني الخميس يونيو 24, 2010 8:52 pm

السلام عليكم ورحمة الله وبركاته

احب اهدي هالقصيده الى من يعز على قلبي الى من يعزني Ico34

اليكم

حبيبي لاتكبرها ترى الضيقـه تجـي وتـروح

واناطالـبـك تكـفـى ياحبيـبـي لاتكبـرهـا

ترى الدعوى بسيطه لاتزوّد فالجـروح جـروح

وانا بكتب قصيـده فالمحبـه وأنـت شاعرهـا

أنا لولاك ماشيدت لي وسط القصيـد اصـروح

تراك أجمل قصيده حـب أكسرهـا وأجبرهـا

تراك أنت الوحيد اللي سكن وسط الجسد والروح

وتراك أحـلا عبـاره دايـم أكتبهـا وأعبرهـا

تراك أنت البدر لامن طلع زاد الوضوح وضوح

تراك أحلام توقضني ولا ادري كيـف افسرهـا

عطيتك من عروق القلب شيكٍ بالغـلا مفتـوح

وعطيتك كل كلمه من صميم القلـب مظهرهـا

وتخطي ثم تخطي بس أقول بخاطري مسمـوح

أنا وشلون أطالـع غلطتـك ياكيـف أناظرهـا

غيابك طال لين اصبح خبرنا بالعشق مفضـوح

وكلٍ عـارف القصـه مـن اولهـا لياخرهـا

وطعونك خلت اعروق المحبه دمهـا مسفـوح

تعال وبشر اطعونك تـرى فـازت خناجرهـا

ترى مقدر على صدك ومهما تروح أنا بـاروح

اليـن القـاك واجـدد محبتـنـا واطـورهـا

وكلمه من ضميري قلتها لك تشفـي المجـروح

لجل عينك باكررهـا ولجـل حبـك باكررهـا

نصيحه:نترك الماضي ترى الضيقه تجي وتروح

وترى الدعـوى بسيطـه ياحبيبـي لاتكبرهـا

تحياتي الكم

عاااااشق حنين الشوق
ـــــــــــــــــــــــــــــــــــــــــــــــــ

قصيدة كثير حلوة ... يسلمووو عاشق حنين الشوق

ماننحرم من ابداعاتك

تحيـــــــــاتي لالكــــ...دموع القلب